Dünya gözəlləri Bakıda dəniz sahilində (FOTO)

Müsabiqəsinin finalı ilk dəfə olaraq Azərbaycanda keçiriləcək72359

Nüfuzlu “Miss Globe International” 89-cu beynəlxalq gözəllik müsabiqəsinin finalçıları Bakıda Xəzər dənizin sahilində yerləşən istirahət mərkəzlərindən birinə baş çəkiblər.

ANS PRESS-in məlumatına görə, finalçılar burada türkiyəli mütəxəssislər Onur Xazar (xoreoqraf) və Məlikə Yaşılyolun (moda üzrə direktor) rəhbərliyi altında növbəti məşqlərinə çıxıblar.

“Miss Globe International” müsabiqəsinin finalı ilk dəfə olaraq Azərbaycanda sentyabrın 14-də “Baku Crystall Hall”da keçiriləcək. Müsabiqə RGA (prezident Rasim Aydın) və Z COMPANY 2007 (prezident Zamiq Yunisov) şirkətləri tərəfindən təşkil edilib. Müsabiqədə 120 ölkənin nümayəndəsinin iştirakı gözlənilir. Müsabiqənin finalında iştirak etmək üçün xüsusi olaraq Bakıya məşhur ifaçılar və aktyorlar gələcəklər. Onların arasında Demet Akalın, Gürkan Uyqun, Gökhan Özen, Kaan Gülsoy və İnna, rəqqasə Asena və Rumıniyanın “Radio Killer” qrupu var. Müsabiqə dünyanın 70-dən çox ölkəsində yayımlanacaq.

“Miss Globe International” dünyada məşhur olan gözəllik müsabiqəsidir. Müsabiqədə irqindən, dinindən və milliyətindən asılı olmayaraq 18-24 yaşlı subay qızlar iştirak edirlər. Müsabiqə ilk dəfə 1925-ci ildə İstanbulda keçirilib.

0eff7cf124b967139a6e0623a0a57c822ca0ff824c2d86d7

  BÖLMƏYƏ AİD DİGƏR XƏBƏRLƏR