Elmira Qafarovanın doğma qızı kimdir? – QALMAQAL

20150715-160714linkÖtən gün femida.az saytında Azərbaycan Ali Sovetinin sədri və xarici işlər naziri olmuş mərhum Elmira Qafarovanın qızı olduğu iddia edilən bir xanımın durumu ilə bağlı reportaj yayımlanmış və mediada geniş əks-səda doğurmuşdu.

Bu gün E.Qafarovanın ailəsinin yaxını olduğunu deyən Könül Hüseynova adlı xanım lent.az-a açıqlama verərək bildirib ki, özünü Elmira Qafarovanın qızı kimi təqdim edən qadın yalan danışır: “Mən bu ailəni yaxından tanıyan bir insanam. Elmira xanımın oğlu Oqtayla mən paralel oxumuşam. Baldızım da Oqtayın yoldaşını tanıyır. Məhz ona görə də deyirəm ki, o ailəni yaxşı tanıyıram. Birincisi, o özünü Qafarova İnarə Fuad qızı kimi təqdim edib. Amma onun soyadı Qafarova ola bilməz. Çünki Qafarova soyadı Elmira xanımın qızlıq soyadıdır. Amma onun yoldaşının soyadı Salamov olub. Elmira xanımın iki övladı – Gülnarə və Oqtay Salamov soyadını daşıyıblar. Elmira xanımın iki uşaqdan başqa övladı olmayıb. Gülnarə evin böyük qızı, Oqtay isə kiçik övladıdır. Bu xanım açıqlamasında deyib ki, atası Qafarov Fuaddır. Amma Fuad bəy Qafarov yox, Salamov idi”.

K.Hüseynovanın sözlərinə görə, Elmira Qafarova əslində həmin müsahibədə iddia olunduğu kimi oğlundan öncə yox, ondan bir il sonra vəfat edib: “Özü də onun oğlu faciəvi şəkildə ölüb. Belə ki, dostları ilə birgə dəmiryolu keçidində qatar vurub və orada da dünyasını dəyişib. Oğlunun ölümünə dözə bilməyən Elmira xanım isə bir il sonra dünyasını dəyişib. İnarə xanımın müsahibədə dediyi sözlər həqiqəti əks etdirmir”.

Onu da əlavə edək ki, tanınmış sənətkar Afaq Məlikovanın qızı, Elmira Qafarovanın gəlini Nərminə xanım da redaksiyamıza zəng edərək bildirib ki, Elmira xanımın belə bir qızı yoxdur.

Maraqlıdır ki bu gün “AzVision.az” da İ,Qafarovanın yalan dediyinə dair material və foto dərc edib.  Materialda bildirilir ki, Elmira Qafarovanın qızı İnayət Qafarova deyil, Nərgiz Hüseyndir: ” Bu foto Nərgiz Hüseyn həyat yoldaşı Azər Hüseynov Yaponiyada səfir olarkən çəkilib. Nəzərinizə çatdırırıq ki, fotoda sağ tərəfdəki qadın Elmira Qafarovanın qızıdır.  Onu da bildirək ki, İ.Qafarova Elmira Qafarovanın doğma övladı deyil. İddialara görə, İnayət Qafarova Elmira Qafarovanın himayəsində böyüyüb.”20150715-160728

  BÖLMƏYƏ AİD DİGƏR XƏBƏRLƏR