Bakıda tapılan ayı balasının aqibəti

244302Bakının Suraxanı rayonunda tapılan ayı Ekologiya və Təbii Sərvətlər Nazirliyinə təhvil verilib. Bu barədə “Report”a açıqlamasında nazirliyin mətbuat xidmətinin rəhbəri İradə İbrahimova məlumat verib.
O bildirib ki, ayı balası Altıağac milli parkının nəzdində fəaliyyət göstərən Vəhşi Təbiətin Bərpası Mərkəzi və Reabilitasiya Klinikasına göndərilib.
“Ayı balası klinikada bir müddət reabilitasiya keçdikdən sonra vəhşi təbiətə, yəni meşəyə buraxılacaq”, – İ.İbrahimova qeyd edib.
Qeyd edək ki, dünən Bakının Suraxanı rayonunda, “Baku Bus” avtobuslarının saxlanıldığı yerin yaxınlığında ayı balası peyda olub. Fövqəladə Hallar Nazirliyinin (FHN) mətbuat xidmətinin rəhbəri Oktay Bayramovun məlumatında bildirmişdi ki, ayı FHN-in Xüsusi Riskli Xilasetmə Xidmətinin əməkdaşları tərəfindən götürülüb.

  BÖLMƏYƏ AİD DİGƏR XƏBƏRLƏR