Kənd Təsərrüfatı Nazirliyinin üç müəssisəsi ləğv olunub

ebf0e03fadc3b8843412361b7c6ccec0Göygöl rayonundakı “Ətlik-maldarlıq üzrə Damazlıq Dövlət Kənd Təsərrüfatı İstehsalı Müəssisəsi” MMC, “Camışlıq üzrə Damazlıq Dövlət Kənd Təsərrüfatı İstehsalı Müəssisəsi” MMC və “Bağmanlar taxıl toxumçuluğu üzrə Dövlət Kənd Təsərrüfatı İstehsalı Müəssisəsi” MMC birləşib.

“APA-Economics”in məlumatına görə, bu barədə Kənd Təsərrüfatı Nazirliyinin “Vergilər” qəzetində dərc etdiyi məlumatda bildirilir. MMC-lərin bazasında Kənd Təsərrüfatı Nazirliyinin “Göygöl Kənd Təsərrüfatı İstehsalat Müəssisəsi” MMC yaradılıb.

Bununla əlaqədar olaraq yuxarıda adları çəkilən MMC-lərin kreditor borcları və digər hüquqi və fiziki şəxslərə olan borcları Kənd Təsərrüfatı Nazirliyində yaradılmış ləğvetmə komissiyasına 60 gün ərzində müraciət etmələri xahiş olunur.

  BÖLMƏYƏ AİD DİGƏR XƏBƏRLƏR