Rus telekanalları təxribatdan əl çəkmir – Bu dəfə də “Life News” yalan xəbərlər yaydı-VİDEO

ln-1Telekanalın rəhbəri erməni əslli şəxsdir

Cəbhədə vəziyyət gərginləşəndən gündən Rusiya Kütləvi İnformasiya vasitərlərində qərəzli, birtərəfli informasiyalar yayılmaqdadır.

Region TV xəbər verir ki, “Life News” televiziyasının hazırladığı reportajda Azərbaycan tərəfindən götürülən müsahibələr açıq şəkildə təhrif olunub.

Rusiyanın “Life News” telekanalının hazırladığı reportajda əvvəlcə müxbir Tərtər rayonunun ərazisindən bağlantıya qoşulur və deyir ki, burada sakinlər elə avtomobillərdə gecələyirlər. Halbuki kadrlarda görünən avtomobillərin içərisi boşdur.

Müxbir verdiyi dezinformasiyanın inandırıcı görünməsi üçün rol arxasında olan bir sürücü tapır. Sürücünün dediklərini isə cümlə-cümlə təhrif edir. Müsahib deyir ki, Ermənilər bizim torpaqlarımızı işğal ediblər, müharibə şəraitində yaşayırıq, hər gün atırlar, şəhidimiz var, biz onun dəfnindən gəlirik. Rus dilinə tərcümədə isə deyilir ki, biz burada bir neçə ailəyik. Axşama maşın daha çox olacaq, bu müharibə bizə lazım deyil.

Sonra müxbir rus millətindən olan bir müsahib tapır. O isə neytral qalır, deyir ki, müharibə olmasını istəmirik.

Sonra müxbir deyir ki, əksər adamlar buraları tərk edib, ekranda gördükləriniz isə buranı tərk etmək istəməyənlərdir.

Guya balanlaşdırılmış şəkildə təqdim olunan reportajın ikinci hissəsində isə qarşı tərəfdən çəkilişlər aparılıb. Burada da müxbirin elə ilk cümləsindən qərəz aydın şəkildə hiss olunur. O, çox rahat bir şəkildə “Dağlıq Qarabağ Respublikası” sözünü işlədir. Ardınca “”Qarabağ”ın nizami, peşəkar ordusu var” deyib.

Reportajın sonunda isə müxbir özü ermənilərin adından danışır. O, deyir ki, Ermənilər müdafiə olunmağa hazırdırlar.

Hərhalda rəhbəri erməni əslli Aram Qabrelyan olan bir kanaldan başqa bir yanaşma gözləmək olmaz.

ln-2 ln-3

  BÖLMƏYƏ AİD DİGƏR XƏBƏRLƏR