10 il övladları olmadı, üçəm qızları doğuldu – Azərbaycanda

245182Bərdə rayonunda 10 ildir övladı olmayan ailənin üçəmi dünyaya gəlib. Qaynarinfo.az Report-a istinadən xəbər verir ki, Əliyevlər ailəsində dünyaya gələn üçəmlər qız övladlarıdır.
Ağdərə rayonundan məcburi köçkün olan, Tərtər rayonunun İsmayılbəyli kəndində müvvəqəti məskunlaşan Samir Xudu oğlu Əliyev və Elnarə Məhərrəm qızı Əliyeva on ildir ailəlidirlər və indiyə kimi övladları olmayıb.
E.Əliyeva Bərdə Rayon Mərkəzi Xəstəxanasının (RMX) Doğum şöbəsinə gətirilib və üçəmlər orada dünyaya göz açıblar.
Hazırda Bərdə RMX-da olan körpələr bütün tibbi müayinədən keçib və onlar ciddi həkim nəzarətində saxlanılırlar.
Xəstəxanadan bildirilib ki, doğuşun vaxtından əvvəl baş verməsinə baxmayaraq, uşaqların və ananın vəziyyəti normaldır:
“Körpələr qeysəriyyə əməliyyatı ilə dünyaya gəliblər. Onlardan birinin çəkisi 1,7 kq, digərlərinin çəkisi isə 1,8 və 2 kiloqramdır”.
qaynarimage76444 qaynarimage250716 qaynarimage558588 qaynarimage646389

  BÖLMƏYƏ AİD DİGƏR XƏBƏRLƏR