Bakıda orta məktəb müəlliməsi dələduzluğa görə tutuldu – FOTO

1462572106_1Bakıda Cinayət Məcəlləsinin “Dələduzluq” maddəsi ilə axtarışda olan qadın saxlanılıb

Bakının Binəqədi rayon sakini Əbilova Validə Əsəd qızı özgənin əmlakını ələ keçirmək məqsədi ilə Nərimanov rayonu Fətəli Xan Xoyski küçəsi 9 ünvanında yerləşən “Caspian Shop” Ticarət Mərkəzində qızıl-zinət əşyalarının satışı ilə məşqul olan İsmayılov Məharət İzzətəli oglu, Hüseynova Leyla Hüseyn qızı, Bağırova Samirə Səxavət qızı, Əbilov Əbil Cəmil oğlu, İbişov İlham Qiyas oğluna qarşı dələduzluq etməkdə təqsirləndirilir.

Validə Əbilova 26 sentyabr 2014-cü il tarixində həmin şəxslərin etibarından sui-istifadə etməklə küllü miqdarda qızıl-zinət əşyalarını ələ keçirib. Bir müddət sonra şikayətçilər Nərimanov Rayon Polis İdarəsinə Əbilova barəsində şikayət ediblər. Validə Əbilova zərərçəkmişlərdən gizlənmək və istintaqdan yayınmaq üçün soyadını Əsədovaya dəyişib. Buna baxmayaraq, rayon hüquq-mühafizə orqanları onu saxlayaraq istintaqa cəlb ediblər.

Validə Əbilova (Əsədova) Binəqədi rayonunda yerləşən orta məktəblərdən birində müəllimədir.

Hazırda barəsində Cinayət Məcəlləsinin 178-ci maddəsi ilə cinayət işi açılan qadını 3 ildən 7 ilədək həbs cəzası gözləyir. İstintaq Validə Əbilovanın digər oxşar cinayətlərdə əlinin olduğunu istisna etmir.

  BÖLMƏYƏ AİD DİGƏR XƏBƏRLƏR