İqtisadi İslahatlar Mərkəzinə direktor təyin olundu

vusal qasimliO, 2013-cü ildə dosent elmi adını alıb.

İqtisadi İslahatların Təhlili və Kommunikasiya Mərkəzinin Müşahidə Şurasının ilk iclası keçirilib.

Qafqaznews.az-ın məlumatına görə, bu barədə AZƏRTAC-a İqtisadi İslahatların Təhlili və Kommunikasiya Mərkəzinin ictimaiyyətlə əlaqələr şöbəsindən məlumat verilib.

Məlumatda qeyd olunub ki, aprelin 20-də Azərbaycan Respublikasının Prezidenti tərəfindən İqtisadi İslahatların Təhlili və Kommunikasiya Mərkəzi yaradılıb və Mərkəzin Müşahidə Şurasının üzvləri təyin edilib.

Müşahidə Şurasının sədri Azərbaycan Respublikası Prezidentinin iqtisadi islahatlar üzrə köməkçisi Natiq Əmirov, üzvləri Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov və Azərbaycan Respublikası Milli Məclisinin deputatı Vüsal Hüseynovdur.

İclasda Mərkəzin fəaliyyətinin təşkili və strateji inkişafı ilə bağlı məsələlər müzakirə edilib.

Müşahidə Şurasının qərarına əsasən, Vüsal Əfras oğlu Qasımlı İqtisadi İslahatların Təhlili və Kommunikasiya Mərkəzinin icraçı direktoru təyin edilib. Vüsal Qasımlı iqtisad üzrə fəlsəfə doktorudur.

Qeyd edək ki, 2011-2016-cı illərdə V.Qasımlı Prezident yanında Strateji Araşdırmalar Mərkəzinin şöbə müdiri olub. 2013-cü ildə dosent elmi adını alıb.

O, ingilis, rus, türk və ispan (işçi səviyyədə) dillərini bilir. Ailəlidir, üç övladı var.

  BÖLMƏYƏ AİD DİGƏR XƏBƏRLƏR