200 minlik İslam ordusunun qərargahı qurulur

img2103307Azərbycanın da daxil ola biləcəyi koalisiyanın qərargahın harda yerləşəcəyi barədə məlumat verilməyib.

Səudiyyə Ərəbistanının təşəbbüsü ilə yaradılan terrora qarşı İslam koalisiyasının – ordusunun qərargahı qurulacaq. ANS PRESS-in məlumatına görə, qərargahın Ramazan ayı müddətində qurulması planlaşdırılır.
İslam ölkələri İŞİD-ə qarşı 150 minlik ordunu səfərbər edir.
Qərargahın İŞİD terror təşkilatı ilə mübarizə üçün hazırlandığı bildirilir. Təşkilata 34 müsəlman dövləti daxildir. Hərbi qərargahın harda yerləşəcəyi barədə məlumat yoxdur.
İslam ordusunun ən fəal üzvləri Türkiyə və Səudiyyə Ərəbistanıdır. Hərbi koalisiyada ancaq 19 mindən artıq tank var.
Koalisiyasının ilk təlimləri fevral ayında keçirilib. Səudiyyə Ərəbistanının Hafar-əl Baten regionunda təşkil edilən təlimlərdə 200 min əsgər iştirak edib.
Türkiyənin də iştirak etdiyi təlimlərdə “Terrora qarşı mübarizə” adı altında keçirilib. Təlimdə 200 min əsgərlə yanaşı, yüz döyüş təyyarəsi, yüzlərlə quru döyüş maşını cəlb edilib.
Səudiyyə Ərəbistanı dekabrın 15-də terrorizmlə mübarizə üzrə İslam hərbi koalisiyasının yaradıldığını bəyan edib. Koalisiyaya 34 ölkə daxildir. Ərəbistan yarımadası ölkələrindən hərbi ittifaqda Səduiyyə Ərəbistanı, BƏƏ, Bəhreyn, Qətər, Küveyt, Yəmən iştirak edəcəklər. Afrika ölkələrindən koalisiyaya Benin, Çad, Toqo, Tunis, Cibuti, Seneqal, Sudan, Syerra-Leone, Somali, Qabon, Qvineya, Komor adaları, Fil Dişi Sahili, Liviya, Mali, Misir, Mərakeş, Mavritaniya, Niger və Nigeriya qatılıblar.
Bundan başqa, ittifaqda İordaniya, Fələstin, Livan, Türkiyə, Pakistan, Banqladeş, Maldiv və Malayziya iştirak edəcəklər.
Həmin vaxt təşkilata Azərbaycanın da qatılacağı barədə məlumatlar yayılmışdı. Xarici İşlər Nazirliyinin mətbuat xidmətinin rəhbəri Hikmət Hacıyev ANS PRESS-ə açıqlamasında bildirmişdi ki, Azərbaycanın terrorizmə qarşı İslam koalisiyasına qoşulmasına dair müzakirələr aparılır.

  BÖLMƏYƏ AİD DİGƏR XƏBƏRLƏR