Polis Ağdaşın Qoşaqovaq kəndini nəzarətə götürüb, kənddə postlar qurulub – FOTO – VİDEO

dark-forestKəndə giriş-çıxış məhdudlaşdırılıb.

Ağdaş Rayon Polis Şöbəsinin əməkdaşları rayonun Qoşaqovaq kəndini nəzarətə götürüb və ərazidə polis postları qurulub.

Report-a istinadən xəbər verir ki, bu barədə kənd bələdiyyəsinin sədri Cəbrayıl Həşimov məlumat verib.

Bələdiyyə sədri bildirib ki, kənd ərazisinə axşam saatlarında giriş-çıxış polis tərəfindən məhdudlaşdırılıb:

“Həqiqətən, gecələr kənddə gəzən var. Ancaq bu, hansısa məxluq yox, adi insandır. İndiyə qədər heç kimə xəsarət yetirilməyib və heç kimin evindən oğurluq edilməyib. Sakinlərin gözünə görünən bu insan təhlükəsiz olsa da, əhalini qorxu içərisində saxlayır”.

Kənd sakini İlham Eyyubovun sözlərinə görə, müxtəlif boyda və görkəmdə olan şəxslər gecə saat 12-dən 4-ə qədər kənd ərazisində gəzirlər:

“Dəfələrlə onları tutmaq istəmişik. Lakin onlar bizim keçə bilmədiyimiz tikanlı məftillərin, hündür hasarların üstündən asanlıqla keçib qaça bilirlər”.

Baş verən hadisə ilə bağlı rayon Polis Şöbəsinin əməkdaşları naməlum şəxs və ya şəxslərin tutulması üçün əməliyyat-axtarış tədbirlərini davam etdirirlər.
ce0e3ac1-b1e0-48ea-af4b-bc235f67672b

screenshot-report.az 2016-06-28 10-47-44

  BÖLMƏYƏ AİD DİGƏR XƏBƏRLƏR