​Roma Papası Ermənistana məktubunda “soyqırım” ifadəsi işlətməyib

920c6e78-0cba-4707-9b91-ac32d97d08d4_292“Atalarınızın yaşadığı faciəyə görə kədərləndiyimi bildirirəm”.

“Report” Ermənistan KİV-inə istinadən xəbər verir ki, bunu Roma Papası I Frantsisk Ermənistana göndərdiyi məktubda qeyd edib.

Roma Papası məktubunda 1915-ci ilin aprelində Osmanlı dövlətində baş verən hadisələrə də toxunub və İsa peyğəmbərin işgəncələrə məruz qalmasından bəhs edib. O, bu kimi hadisələrin tarixdə olduğunu vurğulayıb. I Frantsiski ermənilərin də belə işgəncələrdən qurtularaq, dirçəldiyini bildirib: “Atalarınızın yaşadığı faciədən kədərləndiyimi bildirirəm”.

Xatırladaq ki, 2015-ci il ilin aprelində Roma Papası 1915-ci il hadisələri ilə bağlı Vatikanda keçirilən mərasimdə demişdi: “20-ci əsrin ilk soyqırımı ermənilərə qarşı edilib”.

Qeyd edək ki, Roma Papası iyunun 23-də Ermənistana səfər edəcək. Onun Azərbaycan və Gürcüstana isə bu il sentyabrın sonu-oktyabrın əvvəlində gələcəyi gözlənilir.

  BÖLMƏYƏ AİD DİGƏR XƏBƏRLƏR