“Bakı ŞİH-in rəhbərliyi cinayət məsuliyyətinə cəlb olunmalıdır” FOTO,VİDEO

tikintiİyulun 6-da Qafqaznews.az-da “Hacıbala Abutalıbov ölkə rəhbərliyinə səhv məlumat verib” başlıqlı yazı dərc olunmuşdu.

Həmin yazıda Bakı sakini Cəmilə Rəhimovanın şikayəti işıqlandırılmışdı. C.Rəhimova Qafqaz Xəbər Agentliyinə bildirmişdi ki, Bakı Şəhər İcra Hakimiyyəti tərəfindən ailəsinin mülkiyyət hüquqları pozulub və bir ildən çoxdur sökülən evlərə görə təzminat ala bilmirlər.

“2014-cü ilin iyul ayında qanuni yolla və notarial qaydada mən, anam Ədilə Yusif qızı Vəliyeva və qardaşım Aydın Əmirxan oğlu Rəhimovun adına, Səbail rayon, Badamdar qəsəbəsi, Şıxovda, Salyan şosesi 32 ərazisində  hər biri 0,12 ha olan 3 torpaq sahəsi aldıq. Həmin torpaq sahələrinin ikisi yanaşı, digəri isə bu torpaq sahələrinin önündə yerləşir. 2014-cü iyulun 2-də anam Ədilə Yusif qızı Vəliyeva ilə 0,12 ha torpaq sahəsinin köhnə sahibi İsa Əli oğlu Məmmədov arasında, eləcə də qardaşım Aydın Əmirxan oğlu Rəhimovla qonşu torpaq sahəsinin köhnə sahibi Rüfət Arif oğlu İbrahimov arasında 14 saylı notariat kontorunda alqı-satqı müqaviləsi imzalandı. Həmin torpaq sahələrinin ƏMDK yanında DƏDRX-nin Bakı Şəhər İdarəsi tərəfindən verilən sənədləri də var idi. Daha sonra memar məsləhət gördü ki, qarşıdakı torpaq sahəsini də alaq, çünki oranı başqası alıb ev tiksə,13579748_1734500550143148_541567020_o (1) dəniz mənzərəsi bağlanacaq. Ona görə də, 2014-cü il iyulun 9-da elə 14 saylı Notariat Kontorunda mənimlə Useynov Pərviz Rza oğlu arasında alqı-satqı müqaviləsi imzalandı. Bu torpaq sahəsinin də ƏMDK yanında DƏDRX-nin Bakı Şəhər İdarəsi tərəfindən verilən sənədi var idi. Bütün sənədləşdirmə işləri qanuni şəkildə həyata keçirildi. Hətta qeyd edim ki, sürüşməyə qarşı tədbirlər görmək üçün, mütəxəssislər çağırmış, fundamenti torpaq qatının altındakı qayalarla uyğunlaşdırmışdıq”, – deyə Cəmilə Rəhimova qeyd etdi.

Qafqaznews.az bildirir ki,şikayətçinin sözlərinə görə, tikintiyə başlamazdan əvvəl, Səbail Rayon İcra Hakimiyyətindən də lazımi sənədlər alınıb: “Səbail RİH-in ovaxtkı başçısı Asif Əsgərovun 6 avqust 2014 tarixli sərəncamı ilə Aydın Əmirxan oğlu Rəhimova Badamdar qəsəbəsi, Şıxovda, Salyan şosesi 32 ərazisində 0,12 ha torpaq sahəsində iki fərdi yaşayış evinin tikilməsinə icazə verilib. Oxşar sərəncamlarla da bir yaşayış evi üçün avqustun 14-də mənə, iki yaşayış evi üçün isə sentyabrın 11-də Ədilə Yusif qızı Vəliyevaya verildi. Həmin tarixlərdə Səbail RİH-in baş memarı Ramiz Xəlifəli evlərin bizim memarlar tərəfindən hazırlanmış eskiz layihələrini də təsdiqlədi. Biz qanun çərçivəsində bütün sənədlərimizi tamamladıqdan sonra, həmin ərazidə 5 fərdi yaşayış evi tikdirdik. 27 fevral 2015-ci ildə mən öz adıma olan 0,12 ha torpaq sahəsini notarial qaydada anama hədiyyə etdim. Beləliklə, anamın adına 3, qardaşımın adına isə 2 evin kupçası oldu. Bizim həmin yerdə tikdirdiyimiz evlərin bütün sənədləri qaydasında idi. 2015-ci ilin mayında Bakı ŞİH-də çalışan Hafiz adlı şəxs (soyadını və vəzifəsini bilmirəm) gəlib bizdən sənədləri istədi, biz təqdim etdik. Dedi ki, sənədi olmayan evlər söküləcək. Bir neçə gün sonra, bizdən arxa tərəfdə olan evlərin söküntüsü başlandı. Hacıbala Abutalıbovla həmin Hafiz adlı şəxs də orda idi. Biz sürücüylə sənədləri yenidən Hafiz müəllimə göndərdik, o isə sürücüyə dedi ki, onların sənədləri qaydasındadır”.13588987_1734143323512204_739531652_o

Cəmilə Rəhimova əlavə etdi ki, meriya əməkdaşının bu sözlərindən sonra, bir müddət arxayınlaşıblar: “Biz düşündük ki, qanun bizim tərəfimizdədirsə, evimizə dəyən olmayacaq. Lakin üç gün sonra, Hacıbala Abutalıbov texnika gətirdərək, bizim evləri sökdürdü. Evlərimizin sökülməsi 15-16 may 2015-ci il tarixində baş verdi. Polisdən canlı divar yaradılmışdı, merlə şəxsən görüşmək və etirazımı bildirmək imkanım olmadı. Həm də çox səs-küy salmağa lüzum görmədik. Mer sakinlərə bildirmişdi ki, bu evlər prezidentin sərəncamıyla sökülür. Biz də düşündük ki, dövlət başçısının sözü bizim üçün qanundur, hər halda bizə kompensasiya verilər.
Eyni zamanda, bu hadisənin “Baku-2015” I Avropa Oyunları ərəfəsində baş verdiyini nəzərə alaraq, ölkə gündəminə neqativ əhval-ruhiyyə qatmaq istəmədik. Səbirlə gözlədik ki, tezliklə Bakı Şəhər İcra Hakimiyyətinin rəhbərliyi bizimlə görüşəcək və mülkiyyət hüquqlarımızın bərpası üçün bütün lazımi tədbirlər görüləcək. Lakin sonra məlum oldu ki, Bakı Şəhər İcra Hakimiy13621378_1734143403512196_643681056_o-1yəti həm cəmiyyətdə, həm də ölkə rəhbərliyində yalnış təsəvvür yaradıb”.

C.Rəhimova bildirdi ki, Bakı meri ölkə rəhbərliyinə səhv məlumat verib: “Belə anladım ki, dövlət başçısına da bizim evlərimizin qanunsuz tikildiyini bildiriblər. Biz məmur ailəsi deyilik və yaxud da, qanunsuz olaraq hansısa ərazini zəbt edərək ev tikməmişik. Əksinə, vicdanlı alıcı olaraq, torpaq sahəsi əldə etmiş və Səbail RİH başçısının sərəncamı, eləcə də aidiyyatı olan qurumların verdiyi sənədlər əsasında fərdi yaşayış evləri inşa etdirmişik. Bir müddət keçdi, Bakı ŞİH-dən kompensasiya verilməyəcəyini anladıqda 1 saylı Baki İnzibati-İqtisad Məhkəməsinə müraciət etdik, hazırda proses gedir.

Bu günlərdə isə Bakı ŞİH ayrıca olaraq məhkəməyə müraciət edərək, ƏMDK yanında DƏDRX-nin Bakı Şəhər İdarəsi tərəfindən verilən sənədlərin qeyri-qanuni hesab edilməsi barədə iddia qaldırıb. Biz vicdanlı alıcılar olaraq, bu məsələdə öz hüquqlarımızın bərpasını tələb edirik”.

Legion.az öz araşdırmasını aparmağa qərar verərək, Cəmilə Rəhimovanın sözlərində həqiqət payı olub-olmadığını araşdsiaphoto_387712ırmaq istədi. Biz C.Rəhimovadan torpaq sahələrinin alqı-satqı sənədlərinin, Səbail RİH başçısının ev tikintisinə icazə barədə sərəncamlarının və evlərə aid mülkiyyət sənədlərinin surətini istədik. C.Rəhimova bütün tələb olunan sənədləri bizə təqdim etdi. Biz Səbail rayonu icra başçısının Badamdar qəsəbəsindəki icra nümayəndəsi Zaur Əliyevdən bu vəziyyəti şərh etməyi xahiş etdik.

“Əgər C.Rəhimovanın ailəsinə ev tikmək hüququ verən sərəncamlar ləğv olunmayıbsa, o zaman evlərin söküntüsü ancaq məhkəmə qərarı ilə baş tuta bilərdi, əks təqdirdə söküntü qanunsuz hesab olunacaq”, – deyə Z.Əliyev Legion.az-a bildirdi. Biz C.Rəhimovanın bəhs etdiyi Hafiz adlı meriya məmurunu da tapdıq (təəssüf ki, o, bizə soyadını bildirmədi). Hafiz müəllim etiraf etdi ki, Cəmilə Rəhimovanın ailəsinə məxsus evlər Bakı ŞİH tərəfindən sökülüb. O, həmçinin bu evlərin məhkəmə qərarı olmadan söhqdefaultküldüyünü də etiraf etdi.

“Məgər Bakı Şəhər İcra Hakimiyyəti məhkəmə qərarı olmadan özgəsinin mülkiyyətini dağıda bilər?” – deyə soruşduq.“Bu, ondan asılıdır ki, Cəmilə Rəhimovanın ailəsi mülkiyyət sənədlərini hansı yolla əldə edib”, – deyə Hafiz müəllim bildirdi.“Bakı ŞİH-də bu sənədlərin qanunsuz əldə olunmasına dair sübut var?” – deyə maraqlandıq. “Bu barədə bizdə məlumat yoxdur”, – deyə Bakı meriyasının nümayəndəsi cavab verdi.Xatırladaq ki, C.Rəhimovanın ailəsi öz evlərini Səbail RİH başçısının sərəncamları əsasında tikdirib.

Legion.az-a danışan Səbail RİH-in ictimai-siyasi şöbəsinin müdiri İsrafil Kərimov bildirdi ki, Səbail RİH başçısının sərəncamlarını ancaq Hacıbala Abutalıbov ləğv edə bilər.146462_src

“Əgər Hacıbala Abutalıbov həqiqətən də Səbail RİH başçısının sərəncamlarını ləğv etsəydi, bu barədə mənim xəbərim olardı. Amma belə bir məlumat yoxdur”, – deyə Bakı Şəhər İcra Hakimiyyəti Ticarət və Xidmət Departamentinin mətbuat xidmətinin rəhbəri Əlabbas Bağırov Legion.az-a bildirib.

Hüquqşünas Azər Quliyev Legion.az-a bildirdi ki, Azərbaycan get_img-2qanunlarına görə, istənilən tikili məhkəmə qərarı ilə ləğv oluna bilər.

“Mən Cəmilə Rəhimovaya tövsiyə edərdim ki, prokurorluğa müraciət edərək, mülkiyyətinin məhkəmə qərarı olmadan söküldüyünə görə Bakı ŞİH-in rəhbərliyinə qarşı cinayət işi qaldırılmasını tələb etsin”, – deyə A.Quliyev vurğuladı.hacibala_420 Hüquq müdafiəçisi Mirvari Qəhrəmanlının fikrincə, özgəsinin mülkiyyətini məhkəmə qərarı olmadan sökmək cinayət əməlidir.“Ona görə də, bu söküntünün bütün iştirakçıları cinayət məsuliyyətinə cəlb olunmalıdır”, – deyə M.Qəhrəmanlı qeyd etdi.Xatırladaq ki, C.Rəhimovanın sözlərinə görə, onun ailəsinə aid evlərin söküntüsündə şəxsən Hacıbala Abutalıbovun özü iştirak edib.

Mahmud Suanlı

Legion.az 


13639792_1734501426809727_82996321_o13621838_1734500516809818_1849138134_o13579748_1734500550143148_541567020_o


13588987_1734143323512204_739531652_o13621378_1734143403512196_643681056_o13588987_1734143323512204_739531652_o13621378_1734143403512196_643681056_o13608307_1734143800178823_1483778193_n

  BÖLMƏYƏ AİD DİGƏR XƏBƏRLƏR