Gürcüstan müxalifəti “Rustavi-2” telekanalının müdafiəsi üçün aksiya keçirib

Tbilisi şəhər meriyası qarşısında etiraz aksiyası keçirilib.

APA-nın “apsny.ge” saytına istinadən verdiyi məlumata görə, müxalifyönümlü “Rustavi-2” kanalına təzyiqlərə etiraz edən 13 fəal saxlanılıb. Səhər saatlarında başlayan etiraz aksiyasının iştirakçıları Ali Məhkəmədən kanalın taleyi ilə bağlı ədalətli və adekvat qərar verilməsini tələb ediblər.

Etiraz aksiyasında 8 müxalif partiyanın üzvləri iştirak edib. Onlar analoji aksiyaların paytaxtın polis idarələri qarşısında da keçiriləcəyini açıqlayıblar.

  BÖLMƏYƏ AİD DİGƏR XƏBƏRLƏR