ABŞ-da 11 sentyabr terroruna görə Səudiyyə Ərəbistanının hüquqi şəxslərinə qarşı iddia irəli sürülüb

ABŞ-ın iyirmidən çox sığorta şirkəti 2001-ci ildə 11 sentyabr terror aktına görə Səudiyyə Ərəbistanının iki bankı, Üsamə ben Ladenin ailəsi ilə əlaqəli şirkətlər və bir neçə xeyriyyə təşkilatına qarşı ümumi məbləği 4,2 mlrd. dollardan çox olan iddia irəli sürüb.

Oxu.Az RİA Novosti-yə istinadən xəbər verir ki, bu barədə “Reuters” agentliyi məlumat yayıb.

Həmin qurumlar “Əl-Qaidə”nin xeyrinə bir sıra addımlar vasitəsilə terror aktlarına dəstək göstərməkdə və təhrik etməkdə ittiham olunurlar.

Bundan əvvəl terror qurbanlarının 800-dək qohumu Səudiyyə Ərəbistanına qarşı kollektiv iddia irəli sürüb. İddiaçılar Səudiyyə Ərəbistanını “Əl Qaidə”ni maliyyələşdirməkdə və digər dəstək göstərməkdə ittiham edərək krallıqdan kompensasiya tələb ediblər.

  BÖLMƏYƏ AİD DİGƏR XƏBƏRLƏR