ABŞ-da ehtiyatların artması Brent neftini 51,6 dollaradək ucuzlaşdırıb

Dünya birjalarında neftin ucuzlaşması davam edir.

“APA-Economics” xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,26 dollar və ya 0,52% azalaraq 49,36 dollar təşkil edib.

ICE London qitələrarası birjasında Brent markalı neftin 1 barelinin dəyəri isə 0,19 dollar və ya 0,37% azalaraq 51,63 dollar olub.

Ötən gün olduğu kimi, bu gün də neftin ucuzlaşmasına səbəb ABŞ-da kommersiya neft ehtiyatlarının artmasıdır. ABŞ-da ehtiyatların artması OPEC və kartelə daxil olmayan ölkələr tərəfindən neft hasilatının azaldılması ilə bağlı səylərini qeyri-effektiv edir.

  BÖLMƏYƏ AİD DİGƏR XƏBƏRLƏR