ABŞ Şimali Koreyanı bu gün vuracaq? – Rusiyadan XƏBƏRDARLIQ

“Şimali Koreyanın yeni ballistik raketləri sınaqdan keçirməsi regionda nüvə müharibəsi riskini artırıb”.

Bunu Rusiya Federasiya Şurası Müdafiə Komitəsinin sədri Viktor Ozerov bildirib.

V.Ozerov deyib ki, yaranan vəziyyət ABŞ və Şimali Koreya arasında gərginliyi daha da artırıb:

“Vəziyyətin gərginləşməməsi üçün tərəflər hərbi ritorikalara son qoymalıdır. Eyni zamanda, ABŞ döyüş gəmilərini Yapon dənizindən geri çəkməlidir. İnanıram ki, ABŞ prezidenti Donald Tramp vəzifəsinin 100-cü gününü Şimali Koreyanı vurmaqla qeyd etməyəcək”.

Xatırladaq ki, aprelin 29-u Donald Trampın ABŞ prezidenti vəzifəsində olmasının 100-cü günü tamam olur./publika.az

  BÖLMƏYƏ AİD DİGƏR XƏBƏRLƏR