Rusiya nəhayət ki, Lenindən qurtulur: Duma nəşi dəfn edir

Rusiya Dövlət Dumasında inqilab lideri Vladimir İliç Leninin Mavzoleydə saxlanan nəşinin dəfni ilə bağlı ayrıca qanun layihəsi hazırlanır.

Layihəni liberal-demokratlar və “Vahid Rusiya” fraksiyasının nümayəndələri birgə hazırlayb. Layihədə Leninin nəşinin dəfn edilməsinin hüquqi mexanizmi əksini tapıb.

“Biz aidiyyatı qurumların təmsilçilərindən ibarət komissiya yaradılmasını təklif edirik. Hazırda Leninin nəşinin dəfni ilə bağlı məsələnin həlli üçün hüquqi əsas hazırlanır”,- deyə layihə müəlliflərindən biri olan Vladimir Sısoyev bildirib.

Qeyd edək ki, Rusiyada keçirilən rəy sorğuları inqilab liderinin dəfn edilməsi tərəfdarlarının çox olduğunu göstərir. Moskva patriarxatının nümayəndəsi olan İlarion da “Lenini mavzoleydən rədd edin” deyə aprelin əvvəlində mətbuata müsahibəsinə çağırışla Dumaya müraciət etmişdi.

  BÖLMƏYƏ AİD DİGƏR XƏBƏRLƏR