Bitkoinin qiyməti 2100 dollara çatıb

Bitkoinin dünya birjalarında satış qiyməti bu gün, mayın 22-də tarixi rekord həddə – 2 100 ABŞ dollarına çatıb. “Report” xəbər verir ki, bitkoinin qiyməti hazırda mayın 19-u ilə müqayisədə 102 dollar və ya 5,1% artıb.

Bitkoinin qiymətinin artmasına səbəb kimi qlobal siyasi qeyri-müəyyənlik göstərilir. Yaponiya və Cənubi Koreyada bitkoinə yaranan tələbat kriptovalyutanın qiymətini tarixi rekord həddə çatdırıb. Qeyd edək ki, bir qədər əvvəl Yaponiya hökuməti bitkoinin qanuni ödəniş vasitəsi kimi istifadəsinə icazə verib. Bu da öz növbəsində bitkoinlə əməliyyatların həcmini artırıb.

Xatırladaq ki, hazırda bitkoin bazarının kapitallaşması 34,15 mlrd. ABŞ dollarına yüksəlib. Müqayisə üçün xatırladaq ki, bitkoin bazarının kapitallaşması aprel ayının 25-nə 20,6 mlrd. dollar təşkil edib.

  BÖLMƏYƏ AİD DİGƏR XƏBƏRLƏR