İŞİD ABŞ və Rusiyanı terror aktları ilə təhdid edir

“İslam Dövləti” terror qruplaşması tərəfdaşlarını ABŞ, Avropa, Rusiya, Avstraliya, İraq, Suriya, İran və Filippində müsəlmanlar üçün müqəddəs olan Ramazan ayında hücumlar etməyə çağırıb.

Oxu.Az gordonua.com-a istiandən xəbər verir ki, bu çağırış iyunun 12-də şifrəli proqramda yayılıb.

Çağırışı qruplaşmanın spikeri Abi əl-Hasan əl-Mühədcirin səsləndirdiyi ehtimal edilir. İŞİD “kafirlər və mübarizə yolundan dönənlərlə” döyüşə çağırır. Gələcək terrorçulara Avropa və Yaxın Şərqdə terror aktları törədən kamikadzelər nümunə göstərilir.

Çağırış İŞİD-in İraq və Suriyada – Mosul və Rakkada əsas mövqelərinin təhvil veriləcəyinə dair informasiyanın fonunda meydana gəlib.

2017-ci ildə Ramazan mayın 26-dan iyunun 24-ə qədər sürəcək.

  BÖLMƏYƏ AİD DİGƏR XƏBƏRLƏR