Türkiyə Rusiyaya qalib gəldi

UEFA Millətlər Liqasında V turun oyunları keçirilir.
Qaynarinfo xəbər verir ki, B liqasının 3-cü qrupunda mübarizə aparan Türkiyə millisi ötən axşam Rusiyanı qəbul edib. Oyunda 5 qol vurulub və “ay-ulduzlular” qələbə qazanıb.
Türkiyənin qollarına Kenan Karaman, Cengiz Ünder və Cenk Tosun imza atıb. Rusiyanın heyətində isə Denis Çerişev və Daler Kuzyayev fərqlənib. Rusiya millisinin üzvü Andrey Semenov 24-cü dəqiqədə qırmızı vərəqə alıb.
Qeyd edək ki, Rusiya 5 turda 8 xal qazanıb və Macarıstanla birlikdə qrupa başçılıq edir. 6 xalı olan Türkiyə 3-cü pillədə qərarlaşıb.

  BÖLMƏYƏ AİD DİGƏR XƏBƏRLƏR