Ukrayna hansı raketləri sınaqdan keçirdi ?

171311_res_01Xəbər verildiyi kimi Ukrayna silahlı qüvvələri dekabrın 1-də Krım yaxınlığında raket təlimlərinə başlayıb. Təlimlərin bu gün yekunlaşacağı bildirilir. Rusiyanın sərt reaksiyasına və hədələrinə səbəb olan təlimlərin birinci günü Ukrayna ordusu orta mənzilli operativ-taktiki raketlərin sınaqlarının uğurla keçdiyini, bütün raketlərin təyin olunmuş şərti hədəfləri yüksək dəqiqliklə vurduğu bildirilir. Təlimlərin ikinci günündə isə Krım rayonunda hava hədəflərinə raket zərbələri sınaqdan keçirilib.

Ukrayna Təhlükəsizlik və Müdafiə Şurasının katibi Aleksandr Turçinov jurnalistlərə raket sınaqlarının uğurla keçdiyini deyib, lakin hansı raket komplekslərinin sınaqdan keçirildiyi haqda məlumat verməyib. Onun sözlərinə görə, sınaqları uğurla keçən raketlər həm yerüstü, həm dəniz hədəflərinə dəqiq zərbə endirə bilir.

Sınaqların videogörüntüləri də uzaqdan çəkilmiş kadrlardan ibarət olduğundan təlimlərə çıxarılan raket komplekslərinin tipini müəyyən etmək mümkün deyil. Bununla belə kadrlardan görünür ki, söhbət iki raket daşıyan kompleksdən gedir. İstisna deyil ki, bu, Ukraynanın “Qrom” operativ-taktiki raket kompleksləridir. Bunlar Rusiyanın “İsgəndər” operativ-taktiki raketlərinin bənzəridir və Azərbaycan da Ukraynadan həmin raketləri əldə etməyə maraq göstərir.

  BÖLMƏYƏ AİD DİGƏR XƏBƏRLƏR