Rəqqasə Fatimə Fətəliyeva teleaparıcı Mətanət Əlverdiyevanın onun rəqsini bəyənmədiyi üçün göz yaşı töküb.“Qafqazinfo”nun məlumatına görə, teleaparıcı “Gündəlik” verilişində yeni rəqsini təqdim edən rəqqasəyə iradını bildirib. Daha sonra “Onlar” verilişinin kamerası qarşısına keçən Fətəliyeva göz yaşı töküb:
“Mən sevdiyim verilişə gəlmişəm. Kaş Mətanət iradını canlı verilişdə yox, kənarda bildirərdi. Burada mən yox, müəllimim tənqid olundu. Bu rəqsi təzə qurmuşuq. Kaş digər şou-biznes nümayəndələrinə oxşayardım, efirdə artistlik edə bilim. Mən güclü qadınam. Məni sevməyənlər sevinməsin. Mən hər şeyi əziyyətimlə etmişəm”.
