İki gün öncə   Qafqaznews.az xəbər portalı 1 yaşını qeyd elədi.

Az vaxtda  Qafqaznews.az  saytı  ölkədə ictimai fikrin formalaşmasına ciddi  təsir edə biləcək  xəbər  mənbəyinə çevrildi.

Qafqaznews.az  saytını 1 yaşı tamam olması münasibətilə Azərbaycan Mətbuat Şurasının sədri Əflatun Amaşov, “Turan” informasiya agentliyinin direktoru  Mehman Əliyev və  “Yeni Nəsil” ictimai birliyinin rəhbəri  Arif Əliyev təbrik ediblər.

Mətbuat Şurasının sədri  Əflatun Amaşov  bildirib: “ Bu gün  KİV-də onlayn jurnalistikanın və xəbər portallarının rolu artır. Hər  gün yeni saytlar yaranır. Hazırda ölkəmizdə 80-100  arası  sayt fəaliyyət göstərir. Bu çətin  rəqabətdə  saytınıza  uğur arzulayıram. Saytınız  ictimai fikrin formalaşmasında öz rolunu oynasın”.

“Turan” infornmasiya agentliyinin direktoru Mehman Əliyev isə söyləyib: “Regionda baş verən hadisələrin düzgün işıqlandırılması üçün  qafqaznews.az  kimi saytlara ciddi ehtiyac var. Sizin saytınız  həqiqətləri  əhaliyə  obyektiv çatdırmaq üçün ciddi rol oynayır. Mən arzu edirəm ki, saytınız bütün çətinlikləri aradan qaldırsın, inkişaf eləsin və uğurlara imza atsın”.

“Yeni Nəsil”in sədri Arif Əliyev isə öz bayram təbrikini belə ifadə edib: “ Sizə həmişə obyektiv olmağı  və uğur qazanmağı arzu edirəm”.

Qafqaznews.az