Bakıda Mərkəzi Univermaqda brilyant qaşlı üzüklər oğurlayan şəxs tutulub.

ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, sentyabrın 2-də Səbayel rayonu ərazisində yerləşən Mərkəzi Univermaqda Bakı şəhər sakini Cəmilə Kərimovaya məxsus 2 ədəd brilyant qaşlı üzük oğurlanıb.

Hadisə ilə əlaqədar Baş Mühafizə İdarəsi və Səbayel Rayon Polis İdarəsi 9-cu bölməsi əməkdaşları əməliyyat keçiriblər.

Keçirilən əməliyyat-axtarış tədbirləri nəticəsində oğurluğu törətmiş Bakı şəhər sakini Zəhra Əliyeva tutulub.