Cavid Qurbanova sabotaj – Elyar Muradov vəzifəli şəxsləri də fəhlə edib

1473439185_2yv1nktcz0h2Cavid Qurbanov “Azərbaycan Dəmir Yolları” Qapalı Səhmdar Cəmiyyətinin sədri təyin olunandan sonra, onun ilk verdiyi fərman dəmir yol vağzalının əsaslı təmiri ilə bağlı olub. Hazırda həmin təmir işləri yekunlaşmaq üzrədir. Cavid Qurbanovun həm də, vəzifəyə təyin olunan kimi dəmiryolçuların əmək haqlarının 100 faizə qədər qaldırılmasına dair verdiyi fərmana görə də yadda qalıb. Ancaq Ziya Məmmədovun dönəmindən qalan bəzi rəhbəri vəzifəli şəxslər Cavid Qurbanovun gördüyü işlərə kölgə salmaq üçün, əllərindən gələni edirlər. Bu barədə dəmir yolunda çalışan, amma adının çəkilməsini istəməyən şəxslərdən biri Azinforum.az-a dəqiq məlumatlar verib.

Mənbə bildirir ki, Sərnişindaşıma Departamentinin rəhbəri Elyar Muradov Bakı Sərnişin Stansiyasının işçiləri ilə bağlı qəribə “yeniliklərə” imza atıb. Deməli, bir neçə şəxs istisna olmaqla, həmin idarədə çalışan , ali təhsili və vəzifəsi olan işçilərin hamısı əmək haqqı cədvəlində fəhlə kimi göstərilir. Hətta vağzal rəisinin köməkçiləri olan və bir neçə ali təhsil müəsissəsinin diplomunu əlində gəzdirən şəxslərin adı işə fəhlə kimi rəsmiləşdirib. Məqsəd bundan ibarətdir ki, həmin adamlar az əmək haqqı verilsin. Yəni Cavid Qurbaovun dəmiryolçuların əmək haqqının qaldırılması ilə bağlı verdiyi fərman nəinki bu kateqoriyadan olan şəxslərə şamil olunur, əksinə, onların əmək haqqında azalma müşahidə edilir1473439269_elyar_muradov

Mənbəmiz bildirir ki, bütün bunlardan Cavid Qurbanovun xəbəri yoxdur. Çünki kimsə yuxarılara şikayət etməyə qorxur. Elyar Muradovun başqa bir “novatorluğu” da üzə çıxıb. Belə ki, onun müvəkkil (revizor-red) idarəsini də bağladığı bildirilir. Vəziyyət o yerə çatıb ki, Elyar Muradov iki institut qurtaran müvəkillərdən birini Bakı-Sumqayıt elektrik qatarına peron nəzarətçisi kimi göndərib. Mənbəmiz bildirir ki, Elyar Muradov arada fəhlə cildinə saldığı həmin müvəkillərdən hansısa qatarların yoxlanılmaını da tələb edir. Mənbəmiz bildirir ki, Sərnişindaşıma Departamentinin rəhbəri Elyar Muradovun əməllərindən zara gələn işçilər yaxın günlərdə kütləvi şikayətlə əlaqədar qurumlar qarşısında pozulan hüquqlarının bərpasına çalışacaqlar”.
Azinforum.az bu istqamətdə araşdırmalarını davam etdirir. Dəfələrlə zəng etməyimizə baxmayaraq, Elyar Muradovun katibəsi bizi onunla çlşdırmadı. Bu səbəbdən də, yaranmış vəziyyətlə bağlı ona ünvanlamaq istədiyimiz suallar açıq olar qalır…

Tərəfdar.az

  BÖLMƏYƏ AİD DİGƏR XƏBƏRLƏR