AFFA Canni De Byazi ilə bağlı qərar verdi

Bu gün AFFA-nın İcraiyyə Komitəsinin növbəti iclası keçirilib.Qafqaznews.az qurumun rəsmi saytına istinadən xəbər verir ki, iclasda bir sıra müzakirələr aparılıb, millimizin baş məşqçisi Canni De Byazinin taleyi ilə bağlı qərar çıxarılıb. Gündəlikdəki məsələlərin müzakirəsindən öncə noyabrın 30-da helikopter qəzasında həlak olan hərbçilərin xatirəsi 1 dəqiqəlik sükutla yad olunub.Aparılmış müzakirələrdən sonra aşağıdakı qərarlar qəbul olunub:1. Azərbaycan milli komandasının baş məşqçisi Canni De Byazi ilə müqavilə 2022-ci il oktyabr ayına qədər uzadılsın. Baş məşqçi növbəti bir ay ərzində 10 aylıq hazırlıq planını AFFA-ya təqdim etsin.2. Aşağı yaş qruplarından ibarət milli komandalara aşağıda göstərilmiş baş məşqçilər təyin olunsun:U-15/U-16 – Füzuli MəmmədovU-17 – Elxan AbdullayevU-18 – Aqil Nəbiyev3. AFFA tərəfindən Gəncədə Futbol Akademiyasının AFFA tərəfindən keçirlimiş tenderə uyğun olaraq inşası təsdiq olunsun.4. Regionlarda klublara maliyyə dəstəyinin təmin olunması məqsədilə bölgələrdəki futbol klublarına dəstək fondu təsis olunsun. Müvafiq hüquqi prosedurların həyata keçirilməsi AFFA-nın baş katibliyinə tapşırılsın.5. “Dalğa Arena”nın yaxınlığında yerləşən, müvafiq infrastruktura daxil olmayan AFFA-ya məxsus torpaq sahəsi satışa çıxarılsın.6. Apellyasiya və Arbitraj Tribunalının üzvü Zaur Qəhrəmanov öz xahişi ilə üzvlükdən azad olunsun. Gülağa Cabarov Apellyasiya və Arbitraj Tribunalının üzvü təyin olunsun.7. Əsgər Abdullayev Məşqçilər Komitəsinə üzv təyin olunsun8. AFFA-nın Futbol akademiyasının təmir olunması üçün FIFA Forward Layihəsindən 150 000.00 ABŞ dolları məbləğində  maliyyələşməsi təsdiq olunsun.9. VAR layihəsi üçün 500 000.00 ABŞ dolları məbləğində FIFA Forward  Layihəsindən maliyyə vəsaitinin ayrılması təsdiq olunsun.İclasın sonunda “Qarabağ” klubuna UEFA Avropa Konfrans Liqasında play-off mərhələsinə vəsiqə qazanması münasibətilə AFFA-nın İcraiyyə Komitəsinin adından təbrik ünvanlanıb.

  BÖLMƏYƏ AİD DİGƏR XƏBƏRLƏR