“Putin Ukraynaya hücum edəcək, hədəf Kiyevdir” – Bayden

“Rusiya Prezidenti Vladimir Putin Ukraynaya hücum etmək qərarına gəlib”.

Bunu ABŞ Prezidenti Co Bayden bəyan edib.

O, Ağ Evdə jurnalistin “Prezident Putin Ukraynaya hücum etmək niyyətindədirmi” sualına “hə” deyərək cavab verib.

“Rusiya qüvvələri hazırda Ukraynanı mühasirəyə alıb. Hesab etməyə əsasımız var ki, Rusiya qüvvələri gələn həftə, qarşıdakı günlərdə Ukraynaya hücum etməyi planlaşdırırlar və niyyətindədirlər. Biz hesab edirik ki, onlar məqsəd kimi Ukraynanın paytaxtı – 2,8 milyon günahsız insanın yaşadığı Kiyev şəhərini seçəcəklər”, – deyə Bayden əlavə edib.

  BÖLMƏYƏ AİD DİGƏR XƏBƏRLƏR