“Fənərbaxça Opet” voleybol komandasının oyunçusu, rusyalı Arina Fedorovtseva “Fənərbağça”nın sabiq qapçısı, hazırda Arda Turanın sükanı arxasında olduğu “Eyüpspor”un şərəfini qoruyan Berke Özerlə evlənmək ərəfəsindədir.

Mia.az Türkiyə mətbuatına istinadla xəbər verir ki, Arina Fedorovtsevanın Berkenin çıxış etdiyi “Eyüpspor”un matçını tribunadan izləməsi ilə yanaşı, dünən İstanbulda birgə alış-veriş etmələri onları yenidən gündəmə gətirib.

Türkiyə mətbuatı yazır ki, cütlük artıq evlənməyə hazırlaşırlar.

Xatırladaq ki, Arina Fedorovtseva ötən il verdiyi müsahibədə “Sosial şəbəkədə tez-tez mənə nə qədər gözəl olduğumu söyləyir və məni qəhvəyə dəvət edirlər. İstanbula gəldiyimdən bəri çoxlu evlilik təklifləri alıram” demişdi.