Avstriya prezidentinin xahişi 

Xeyli müddətdir ki, ölkə mətbuatında “Azərbaycan Dövlət Dəmir Yolları” QSC-nin sədri Arif  Əsgərovun baldızı oğlu Rahib Hüseynovun 48 milyon (bəzi  məlumatlarda 70 milyon) manatlıq yeyintiyə görə həbs  olunması ilə bağlı söhbət səngimək bilmir.

Qısa xatırlatma üçün bildirək ki, yazılanlardan belə məlum olur ki, QSC-nin marketinq şöbəsində çalışan Rahib Hüseynov sahibkarları  aldadaraq  pulları mənimsəyib və bu işdən Arif Əsgərov məlumatlı olub, yəni rəis özü bu işdə birbaşa maraqlı olub. Ancaq  məsələnin üstü  açılanda  Arif Əsgərov və  oğlunun təkidi ilə  cinayəti  Rahib Hüseynovun üzərinə qoyublar və ona söz veriblər ki, səni həbsdən qurtaracağıq.

Ancaq ata və oğul Əsgərovlar verdikləri vədi yerinə yetirmədikləri üçün Rahib Hüseynovun anası, yəni Arif Əsgərovun baldızı Lətifə xanım Hüseynova bir neçə dəfə özünə qəsd etmək istəyib və əlində olan faktları açıqlayacağını bəyan edib.

Yazılanlardan o da məlum olur ki, həmin 48 milyon manat pul  Arif  Əsgərovun oğlu Elnar Əsgərovun  rəhbərlik elədiyi şirkətə köçürülüb.

Bu mövzuda bütün yazılanları təhlil edəndə məlum olur ki, 48, yaxud 70 milyonun mənbəyi göstərilmir, ümumi şəkildə qeyd olunur ki, bu pul sahibkarlardan yığılıb. Ona görə də ortaya xeyli suallar çıxır.

Ancaq bu günədək mətbuatda yazılanlarda bir maraqlı epizod var. Rahib Hüseynovun həbsindən bir neçə gün əvvəl Arif Əsgərovun həyat yoldaşı, yəni Rahibin xalası Xatın xanım hər zaman Rahibin özü ilə gəzdirdiyi noutbuku onun əlindən alıb. Rahib Hüseynov Əsgərovların göstərişi ilə gördüyü bütün qara  işlərlə bağlı məlumatları həmin kompüterdə saxlayırmış.

Görəsən, Xatın xanımın bu işlərlə nə əlaqəsi  var?

Bəlkə Xatın xanım  bilmədiyimiz bizneslə məşğul olur..?

Qafqaz Xəbər Agentliyinə (qafqaznews.az) mötəbər  mənbədən daxil olan məlumata görə 48 milyonun izi gedib Avstriya dövlətinə çıxır.

Bəli, Arif  Əsgərovun  oğlanları  Avstriyada təhsil aldıqları vaxt  həmin ölkənin iş adamları ilə müəyyən əlaqələr qurublar. Və sonradan bu əlaqələrdən  xeyli sayda  avstriyalı sahibkar külli miqdarda ziyan çəkib.Yəni Əsgərovlar mədəni şəkildə  əcnəbi  iş adamlarına  atıblar və pulları  qaytarmaq istəməyiblər. Belə olan halda  həmin avstriyalı iş adamları öz ölkələrinin başçılarından kömək istəyiblər.

Avstriyanın başçısı da Azərbaycan rəhbərliyinə üz tutub və beləcə axırda məsələnin həlli nəqliyyat naziri  Ziya Məmmədovdan sərt formada tələb olunub.

Ziya Məmmədov isə Arif  Əsgərova bu əməllərinə son qoymağı tələb edib. Arif Əsgərov həyat yoldaşı Xatın Əsgərova ilə boşanmaq məcburiyyətində qalıb.

Əslində Xatın xanım  çoxdandır ki,  biznes-ledi  olmaq istəyirdi və  bunun üçün oğlanlarını və bacısı oğlu  Rahib Hüseynovu bu işə qoşmuşdu. Ancaq nədənsə bu biznesi həyata keçirə bilməyiblər  və bundan bir çox iş adamları, o cümlədən əcnəbilər  ziyana uğrayıb.

Amma Arif  Əsgərov bu dəfə də problemdən yayına bilib. Çünki  nə qədər ki, Ziya Məmmədov nazir  postunu tutur Arif Əsgərov da toxunulmzadır.

Arif  Əsgərovun müavini Əliyarla aralarında olan soyuq ailəvi münasibətlərdən növbəti yazıda bəhs edəcəyik.

Sənan Məmmədli

Qafqaz Xəbər Agentliyi (qafqaznews.az)