Azərbaycanda zorla ərə verilən qadının dəhşətli həyatı – VİDEO

239249Dünyada hər 3 qadından biri ailə zorakılığına məruz qalır. 5 qadından biri isə bu zorakılıq nəticəsində həyatını itirir.
Qafqaznews.az Region TV-yə istinadən xəbər verir ki, Kəmalə Mollayevanın 31 yaşı var, 14 ildir ki, ailəlidir. Bu izdivacdan 2 uşağı var. 17 yaşında ailəsi onu zorla özündən 8 yaş böyük birinə ərə verib. Elə o vaxtdan da qara günləri başlayıb.
Kəmalə deyir ki, nəyəsə etiraz edəndə şiddət daha da artıb.
Cəmiyyət belə məsələlərə fərqli yanaşdığından bütün bu tip qadınlar kimi o da problemlərini gizlədib və ictimailəşdirməyib.
Məişət zorakılığı dünyada baş verən ciddi sosial problemdir. Azərbaycanda da belə problemlər var. Mütəxəssislər qadına qarşı zorakılığın konkret statistikasını əldə etməyin mümkünsüzlüyünü cəmiyyətdə görürlər. Problem qadınların öz hüquqlarını bilməməsi, ailənin bünövrəsinin düzgün qoyulmamasından irəli gəlir.
Bütün dünyada rast gəlinən bu problemin qarşısını almaq üçün BMT Baş Assambleyası qadın zorakılığına qarşı mübarizə günü elan edib. Motiv isə 1961-ci ildə Dominikan respublikasında siyasi fəallardan olan 3 tibb bacısının öldürülməsidir.

  BÖLMƏYƏ AİD DİGƏR XƏBƏRLƏR