Çin Qiymətli Kağızlar Tənzimləmə Komissiyasının korrupsiya ilə mübarizə üzrə keçmiş rəsmisi Vanq Huiminə qarşı məhkəmə hökmü açıqlanıb. Yeniavaz.com xəbər verir ki, o, 436 milyon yuandan çox qanunsuz gəlir əldə etməkdə günahkar bilinib. Prokurorluğun məlumatına görə, 1998–2025-ci illər arasında Sincan bölgəsində və qiymətli kağızlar bazarına nəzarət edən qurumda çalışarkən müxtəlif şirkətlərə və fərdlərə güzəştlər müqabilində rüşvət alıb. Hökmdə rüşvətlərin məbləğinin yüksək olması və törədilən əmələrin ağır zərərə səbəb olması vurğulanıb.
İlk dərəcə məhkəmənin hökmündə ölüm cəzası təyin olunsa da, təhqiqata məlum olmayan bəzi faktların üzə çıxması və qanunsuz əldə edilmiş vəsaitlərin bir hissəsinin geri qaytarılması kimi hallar nəzərə alınaraq cəzanın icrasına ikiillik möhlət verilib. Vanq məhkəmədə etiraf edib və peşmanlıq ifadə edib. O, ömürlük siyasi hüquqlardan məhrum olunub və şəxsi əmlakı müsadirə olunub.
Qanunvericiliyə görə, ölüm hökmünün iki il müddətinə təxirə salınması eyni zamanda edamın bu müddətdə icra edilməməsi anlamına gəlir. Adətən belə halda iki il ərzində əlavə cinayət törədilmədikdə cəza ömürlük həbsə çevrilir. Lakin məhkəmə Vanq üçün bu müddət ərzində də həbsə davam verilməsinə qərar verib və şərti azadlığa buraxılmasına icazə yoxdur.
