Bakıda “Koroğlu” metrostansiyasından “Elmlər Akademiyası” istiqamətinə hərəkət edən M6 nömrəli avtobusun gecikməsi və dayanacaqda yaranan vəziyyət uzun müddətdir sərnişinlər arasında narazılığa səbəb olur. BAKU.WS-in “qaynar xətti”nə müraciət edən vətəndaşlar problemin davam etdiyini bildiriblər. İddialara görə, xüsusilə səhər saatlarında M6-nın gözlənilən sərnişinlər sayında artım müşahidə olunur, lakin avtobuslar 40-50 dəqiqə intervalla gəlir. Bu durum dərsə və işə tələsən insanların vaxt itkisinə gətirib çıxarır. Narazılığın əsas səbəblərindən biri isə dayanacaqda M4 nömrəli avtobusların ardıcıl olaraq dayanmasıdır. Həmin dayanacaqda M6 üçün nəzərdə tutulmuş stopda bir neçə M4 avtobusu dayanır və nəticədə ikinci M6 gəlsə belə, onun dayanması üçün yer qalmır.