Yasamal rayonunda yerləşən orta məktəbdə baş verən xuliqanlıq hadisəsi ilə əlaqədar cinayət işi başlanıb. İddia olunan hadisədə Real Təhlil və İnformasiya Mərkəzi əməkdaşlarına qarşı təxribat törədildiyi bildirilir və bu məsələ ilə bağlı 3 nəfər şəxs müəyyən edilib. Onlar Cinayət Məcəlləsinin müvafiq maddəsi ilə məsuliyyətə cəlb olunub.
Daxili İşlər Nazirliyinin mətbuat xidmətinin məlumatında bildirilib ki, hadisənin tam, hərtərəfli və obyektiv araşdırılması, münaqişə iştirakçılarının hərəkətlərinə hüquqi qiymət verilməsi üçün zəruri istintaq tədbirləri davam etdirilir.
Qeyd edək ki, hadisənin araşdırılması üzrə hüquqi proses cari mərhələdə davam edir və Nazirliyin rəsmi açıqlamasına əsasən zərərçəkənlər və cinayət törədənlər haqqında son qərarlar hüquq-mühafizə orqanlarının istintaq nəticələri əsasında müəyyən ediləcək.
