Bakıda yanğın təhlükəsizliyi üzrə ciddi səhvlər protokol ilə müəyyən edilib. Fövqəladə Hallar Nazirliyi (FHN) Dövlət Yanğın Nəzarəti Xidməti tərəfindən paytaxtın Binəqədi rayonu, Biləcəri qəsəbəsi, Rəşid İsmayılov küçəsi, ev 17 ünvanında fəaliyyət göstərən mehmanxanada yoxlama keçirilib. Yoxlama nəticəsində yanğın təhlükəsizliyi baxımından bir sıra nöqsanlar aşkar olunub. Əsaslı yoxlama zamanı qeyd olunan obyektlərin avtomatik yanğınxəbərverici siqnalizasiya qurğusunun nasaz olduğu bildirilir, elektrik təsərrüfatına profilaktik baxışın aparılmadığı və müvafiq aktın tərtib edilmədiyi ortaya çıxıb. Bundan əlavə, obyekt ilkin yanğınsöndürmə vasitələri ilə tam təmin edilməyib, taxta konstruksiyalara odadavamlı məhlul hopdurulmayıb və köçürmə yolları müxtəlif materiallarla tutulub. Eyni zamanda, obyektin əsaslı təmiri, yenidən qurulması və genişləndirilməsi işləri zamanı tikinti layihə sənədlərinin Dövlət Yanğın Nəzarəti Xidməti ilə razılaşdırılmadığı qeyd olunub. Nəticədə, yanğın təhlükəsizliyi normasına və qaydalarına ziddiyətlərin ciddiliyi nəzərə alınaraq, mehmanxananın fəaliyyətində fasilə verilməsi üzrə qərar qəbul edilib; qərarın bir nüsxəsi müəssisə nümayəndəsinə təqdim edilib.