Bu ilin ilk yarısında Azərbaycana xarici ölkələrdən 537 397 ədəd günəş eynəyi idxal edilib.
İdxal olunan günəş eynəklərinin ümumi gömrük dəyəri 2 668,59 min ABŞ dolları, yəni 4 536,6 min manat təşkil edib.
Gətirilən malların böyük hissəsi Çindən olub. Çindən ölkəyə 517 932 ədəd günəş eynəyi idxal edilib və həmin mənbədən gələn bir ədədin orta gömrük dəyəri 2,57 dollar (4,36 manat) göstərilib.
Sayına görə Çindən sonra ən çox idxal edilən ölkələr İtaliya və Türkiyədir; İtaliyadan 8 516 ədəd, Türkiyədən isə 6 550 ədəd günəş eynəyi gətirilib.
İdxalın ölkələr üzrə sayı və bir ədədin orta gömrük dəyəri aşağıdakı kimidir:
Çin – 517 932 ədəd (orta gömrük dəyəri 2,57 dollar); İtaliya – 8 516 ədəd (102,49 dollar); Türkiyə – 6 550 ədəd (7,68 dollar); Vyetnam – 1 292 ədəd (42,48 dollar); Tailand – 740 ədəd (60,59 dollar); Yaponiya – 565 ədəd (224,12 dollar); İspaniya – 409 ədəd (28,36 dollar); Braziliya – 351 ədəd (39,26 dollar); Niderland – 250 ədəd (2,36 dollar); Tayvan (Çinin əyaləti) – 252 ədəd (10,79 dollar); Fransa – 212 ədəd (588,54 dollar); Avstriya – 107 ədəd (188,41 dollar); Rusiya – 80 ədəd (12,25 dollar); ABŞ – 61 ədəd (94,26 dollar); Banqladeş – 21 ədəd (44,29 dollar); Almaniya – 20 ədəd (371 dollar); Kanada – 15 ədəd (15,33 dollar); Polşa – 15 ədəd (49,33 dollar); Kamboca – 9 ədəd (72,22 dollar).
