OpenAI 2027-ci ildə səhmlərini ictimaiyyətə təklif etməyi planlaşdırır.
Şirkətin maliyyə direktoru Sara Frayar bu addımı ilkin kütləvi təklifin (IPO) finiş xətti deyil, təşkilat üçün mühüm bir mərhələ və kapital cəlb etmək üçün növbəti mərhələ olduğunu bildirib.
Frayar qeyd edib ki, mart ayında 122 milyard dollar məbləğində vəsait cəlb edildikdən sonra OpenAI əhəmiyyətli maliyyə çevikliyi əldə edib.
O, həmçinin ən yaxın rəqiblərdən biri olan Anthropic-in bazara daha tez daxil ola biləcəyini, amma bunun narahatlıq yaratmaması lazım olduğunu vurğulayıb və OpenAI-in öz inkişaf yolunda olduğunu söyləyib.
Məlumatlara görə, təşkilat iki ay əvvəl ABŞ Qiymətli Kağızlar və Birja Komissiyasına məxfi şəkildə IPO sənədləri təqdim edib.
Eyni mənbədə OpenAI-in illik gəlirinin bu yaxınlarda 40 milyard dolları keçdiyi və cari rübdə gəlirin təxminən 50 faiz artdığı da bildirilib.
