Yasamal rayonu ərazisində yerləşən orta məktəbdə Real Təhlil və İnformasiya Mərkəzinin əməkdaşlarına qarşı törədilən xuliqanlıq əməli ilə bağlı cinayət işi başlanıb. Daxili İşlər Nazirliyinin (DİN) Mətbuat Xidmətinin verdiyi məlumata görə, hadisəni törətmiş üç nəfər şəxs müəyyən olunub və müvafiq maddə ilə məsuliyyətə cəlb edilib. Hazırda hadisənin tam, hərtərəfli və obyektiv araşdırılması məqsədilə polis tərəfindən istintaq tədbirləri davam etdirilir; münaqişə iştirakçılarının hərəkətlərinə hüquqi qiymət verilməsi istiqamətində işlər aparılır.