Elektrik enerji təchizatının keyfiyyətinin yüksəldilməsi və artan yük tələbatının ödənilməsi məqsədilə avqustun 19-da Ağdaş və Göyçay rayonlarında 10 kV-luq hava elektrik xətlərində planlı təmir həyata keçiriləcək.
Azərişıqın məlumatına görə, Ağdaş Elektrik Şəbəkəsinin xidmət ərazisində saat 11:00-dan 14:00-dək Ağzıbir, Xınaxlı, Kotavan, Qaraoğlan və Pirəzə kəndlərinin bəzi hissələrində elektrik enerjisinin verilməsində məhdudiyyət tətbiq olunacaq.
Eyni vaxtda Ağdaş üzrə planlaşdırılmış başqa fasilə saat 10:00-dan 13:00-dək Yuxarı Qəsil və Kükəl kəndlərini, həmçinin Ləki dörd yol ərazisini əhatə edəcək.
Göyçay Elektrik Şəbəkəsinin ərazisində isə Cəyirli, Çayarxı və Kürdəmiş kəndlərinin müəyyən yerlərində saat 10:00-dan 12:00-dək enerjidə fasilə gözlənilir.
Təmir işləri başa çatdıqdan sonra qeyd olunan məntəqələrdə abonentlərin daha stabil və keyfiyyətli elektrik enerjisi ilə təmin olunması nəzərdə tutulur.
