Haber Global-in məlumatına görə, Azərbaycan Xarici İşlər naziri Ceyhun Bayramov Türk Dövlətləri Təşkilatı (TDT) çərçivəsində Ankara şəhərində keçirilən Xarici İşlər Nazirləri Şurasının toplantısına qatılmasından və çıxış etməsindən məmnunluq duyduğunu bildirib.
Bayramov sosial media paylaşımında 2025-ci il Qəbələ Zirvəsindən sonra Azərbaycanın dövr başçılığı dövründə Türk dünyası arasında həmrəyliyi dərinləşdirmək, əməkdaşlığı gücləndirmək və iqtisadi və nəqliyyat əlaqələrini inkişaf etdirmək məqsədi ilə aparılan işləri vurğuladığını qeyd edib.
O, həmçinin Türk Dövlətləri Təşkilatı Təhlükəsizlik Şurası katiblərinin Bakıda keçirilən görüşündə müdafiə sənayesi sahəsində əməkdaşlığa dair 2027-ci il üçün yol xəritəsindən tutmuş ortaq mədəni irsimizin qorunmasına yönələn təşəbbüslərə qədər bir sıra sahələrdə tərəfdaşlığın irəliləldiyini bildirib.
Bayramov 2026-cı ildə keçirilən dörd toplantının regional və qlobal problemlər qarşısında siyasi dialoqu və koordinasiyanı daha da möhkəmləndirdiyini vurğulayıb.
XİN rəhbəri əlavə edib ki, Azərbaycan ortaq vizionu konkret nəticələrə çevirmək, TDT-nin imkanlarından maksimum istifadə etmək və beynəlxalq arenada sülh, rifah və daha güclü ortaq səslə çıxış etmək məqsədilə birlikdə əməkdaşlığı möhkəmləndirməyə sadiqdir.
