Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Özbəkistana dövlət səfəri zamanı jurnalistlərin suallarını cavablandırarkən dil məsələlərindən danışıb.

Hacıyev bildirib ki, “özbək həmkarımla çalışırıq ki, Özbəkistan və Azərbaycan dilinin kombinasiyasında danışaq”, çünki bu, qarşılıqlı anlaşmanı asanlaşdırır.

O qeyd edib ki, bəzi terminoloji məqamlarda rus dilindən istifadə etmək lazım gəlir, amma ümumən özbək və Azərbaycan dillərinə üstünlük verirlər.

Hacıyev həmçinin vurğulayıb ki, yazılı mətnləri başa düşmək daha asandır və özünü dilçi hesab etmədiyini, yenə də müəyyən xarici dilləri öyrənməyə cəhd göstərdiyini söyləyib.