Ermənistan Siyasi Elmlər Assosiasiyasının prezidenti, siyasi elmlər doktoru Amayak Hovhannisyan Qarabağ məsələsində əsas məsuliyyətin hazırkı baş nazir Nikol Paşinyanın yox, keçmiş prezidentlər Robert Köçəryan və Serj Sərkisyanın üzərində olduğunu söyləyib.
Hovhannisyan qeyd edib ki, Paşinyanı “Qarabağı Azərbaycana təslim etməkdə” ittiham etmək səhvdir və Rusiyadakı və Ermənistandakı rusiyayönlü qüvvələr tərəfindən bu istiqamətdə edilən cəhdlərin uğursuzluğa məhkum olduğunu vurğulayıb. Ekspert bunun Ermənistanın maraqlarına nə aidiyyəti olduğunu sual edib.
O bildirib ki, Paşinyan əvvəllər Qarabağ məsələsi ilə əsasən məşğul olmayıb və məsələni həll etməli olan şəxslər Köçəryan və Sərkisyan olub. Hovhannisyanın fikrincə, məsuliyyətin məhz onlarda olması aydın məsələdir və indi Qarabağdakı ermənilər həmin şəxslərdən hesab tələb etməlidir.
Hovhannisyan 2018-ci ildə Serj Sərkisyanın baş nazir postunu gənc nəsildən varis hazırlamaq üçün götürdüyünü xatırladığını söyləyib və bu qərarın hakimiyyət maraqlarının öndə tutulması ilə bağlı olduğunu bildirib. O, həmin dövrdə qohumbazlıq və neopotizm təcrübəsinin geniş yayıldığını tənqid edib.
Ekspert əlavə edib ki, əgər problem həll olunsaydı, Qarabağ klanı hakimiyyətdə qala bilməzdi və buna görə məsələni uzun müddət həll etməkdən imtina etdilər. Hovhannisyan iddia edib ki, onlar məsələni həll etmək əvəzinə kənara çəkilib, nəticədə Qarabağ ermənilərinin “məzarqazanları” olmağı seçmişlər və bu, onların hakimiyyət maraqları ilə bağlı olub.
Məqalədə Hovhannisyanın Serjin sonrakı bəyanatlarını da məsuliyyətsiz adlandırdığı qeyd edilir.
