Azərbaycan Özbəkistanın turizm sahəsinə 5 milyard dollar investisiya yatırmağı planlaşdırır. Bu barədə dövlət başçısı Ali Dövlətlərarası Şuranın 3-cü iclasında məlumat verib.
Dövlət başçısının açıqlamasına görə, Daşkənddə həyata keçirilən layihələr — hotel və yaşayış kompleksləri portfeli 500 milyon dollar səviyyəsində qiymətləndirilən Azərbaycan-Özbəkistan İnvestisiya Fondunun çərçivəsindən kənara çıxır.
"Nəzərdə tutduğumuz və artıq müqavilələri bağlanmış layihələr üzrə investisiyaların həcmi fondun həcmindən xeyli çoxdur. Bu təqdimatda deyildi ki, təkcə Özbəkistanın turizm sektoruna 5 milyard dollar investisiya yatırılması planlaşdırılır", - dövlət başçısı qeyd edib.
Eyni zamanda, dövlət başçısı Özbəkistanın avtomobil sənayesindəki təcrübəsinin Azərbaycana ötürüldüyünü vurğulayıb. Bildirilib ki, ilk layihə artıq həyata keçirilib, lakin hələ tam istehsal dövrünə keçilməyib.
Hacıqabulda 80 milyon dollardan çox investisiya yatırılması nəzərdə tutulur və ikinci zavodun tikintisi davam edir, əlavə layihələr üzrə işlər planlaşdırılıb.
