Azərbaycan Prezidenti İlham Əliyev Qazaxıstan Prezidenti Qasım-Jomart Tokayevə yeni parlament – Qurultaya keçirilən ilk seçkilərin uğurla baş tutması münasibətilə təbrik məktubu göndərib.
Məktubda dövlət başçısı bu seçkinin Qazaxıstanın ictimai-siyasi həyatında yeni, tarixi mərhələnin başlanğıcını işarələdiyini və hadisənin ölkənin hərtərəfli inkişafına, həyata keçirilən genişmiqyaslı islahatların davamına və qarşıda duran vəzifələrin reallaşmasına töhfə verəcəyinə inandığını bildirib. Qurultayın işinə uğurlar arzulayıb.
İlham Əliyev məktubunda Azərbaycanla Qazaxıstan arasında ortaq tarixi köklər, milli-mənəvi dəyərlər və qardaşlıq əlaqələrinin mövcudluğunu vurğulayıb və iki ölkə arasındakı əlaqələrin inkişaf etdirilməsinin xüsusi əhəmiyyət kəsb etdiyini qeyd edib.
Dövlət başçısı Azərbaycan-Qazaxıstan münasibətlərinin fəal və səmərəli siyasi dialoqun nəticəsi olaraq strateji tərəfdaşlığın daha da möhkəmləndiyini bildirib və bu dostluq münasibətlərinin xalqların mənafelərinə uyğun olaraq davam edəcəyinə ümidini ifadə edib.
Məktubun sonunda İlham Əliyev Qasım-Jomart Tokayevə möhkəm cansağlığı və ali dövləti fəaliyyətində yeni-yeni uğurlar, Qazaxıstan xalqına isə əmin-amanlıq, rifah və firavanlıq arzulayıb.
