2026-cı ilin yanvar–iyun aylarında Azərbaycan xarici bazarlara 22,2 milyon ABŞ dolları dəyərində 13 962 ton albalı və gilas göndərib.
Rəsmi statistik göstəricilərə görə, ixracın ümumi dəyəri ötən ilin eyni dövrü ilə müqayisədə 10% artıb, lakin göndərilən məhsulun kütləsi 14% azalıb.
Hesabat dövründə əsas ixrac istiqaməti Rusiya olub: bu ölkəyə 22,1 milyon dollar dəyərində 13 835 ton albalı və gilas satılıb. Rusiyaya ixracın dəyəri illik müqayisədə 10% yüksəlsə də, həcmi 14% enib.
Qazaxıstana isə 111,5 min dollar dəyərində 107,6 ton məhsul ixrac olunub; burada həm dəyər, həm də həcm göstəricilərində artım qeydə alınıb. Belarus istiqamətində 15,4 min dollar dəyərində 19,2 ton albalı və gilas satışı həyata keçirilib, məhsulun dəyəri 49% azalmasına baxmayaraq həcm dörd dəfədən çox artıb.
Xatırladılır ki, 2025-ci ildə ölkənin ixrac etdiyi 16 758 ton albalı və gilasin 99,3%-i Rusiyanın payına düşüb.
