15 avqust 2026-cı il gecə saatlarında İmişli rayonunda ölümlə nəticələnən yol-nəqliyyat hadisəsi qeydə alınıb.
Hadisə Hacıqabul–Bəhrəmtəpə–Mincivan avtomobil yolunun Xubyarlı kəndi ərazisində baş verib. Məlumata görə, Tural Xəlilovun idarə etdiyi “VAZ” markalı avtomobil digər minik avtomobili ilə toqquşub.
Toqquşma nəticəsində sürücü idarəetməni itirib və nəqliyyat vasitəsi yoldan çıxıb. Sürücü Tural Xəlilov müxtəlif dərəcəli xəsarətlər alıb, avtomobildə olan sərnişin isə hadisə yerində ölüb.
Hadisə ilə bağlı araşdırma aparılır.
