İran ABŞ-ə tələblərinin icrası üçün bir neçə həftə müddət təyin edib və danışıqların nəticəsiz qalması halında hərbi variantın nəzərdən keçiriləcəyini bildirib.
Yüksək səviyyəli iranlı məmur danışıqlar prosesinin hazırda çıxılmaz vəziyyətə düşdüyünü qeyd edib. Strateji əhəmiyyət daşıyan Hörmüz boğazından neft daşıyan tankerların hərəkətinin bərpası hələlik reallaşdırılmayıb.
Mənbə əlavə edib ki, Tehran yalnız boğazla məhdudlaşmayan, daha geniş regionda potensial eskalasiyaya hazırlıq görür.
Rəsmi şəxsin sözlərinə görə, diplomatik səylər nəticə verməsə, Tehran “vaxtında və dəqiq” hərbi zərbə ilə dəniz blokadasını pozmağa hazırdır.
O, həmçinin bildirmişdir ki, ABŞ bir neçə həftə ərzində əvvəlki razılaşmanın bütün müddəalarını yerinə yetirməlidir və bu tələb danışıqların davam etməsi üçün əsas şərtdir.
Vasitəçilərə isə Tehran tərəfindən müəyyən edilmiş son tarix barədə Vaşinqtona və regiondakı digər tərəflərə məlumat verilməsi tapşırılıb.
