İran Parlamentinin (Məclis) Milli Təhlükəsizlik və Xarici Siyasət Komitəsinin rəhbəri İbrahim Əzizi Fransanın İrana qarşı ritorikasının və diplomatların çıxarılması qərarının Paris üçün ciddi çətinliklər yaratdığını açıqlayıb.
Əzizi bəyan edib ki, İran xalqı "Fransanın xəyanəti"ni unutmayacaq. O, Fransa ilə bağlı etirazların mənbəyi kimi keçmiş insidentləri və beynəlxalq mexanizmlərlə bağlı addımları göstərib.
Deputat Fransa tərəfindən göstərilən davranışları hüquqi və siyasi səylərin davamı kimi dəyərləndirib və konkret olaraq 1980-ci illərdə İran üçün ixrac edilmiş çirkli qan preparatları, INSTEX mexanizmi və BMT-nin sanksiyaların bərpasına yönələn "snapback" mexanizmi kimi məsələləri xatırladıb.
Əzizi əlavə edib ki, bu istiqamətdə siyasətin davam etdirilməsi Parisin vəziyyətini yalnız daha da ağırlaşdıracaq. Onun fikrincə, Fransa ilə münasibətlərdə atılan anti-İran addımlar qarşılıqlı gərginliyi artırır və nəticədə Fransanın həm siyasi, həm də diplomatik mövqeyinə mənfi təsir edə bilər.
Bir müddət əvvəl Fransa xarici işlər naziri Jan-Noel Barro Tehranda fransalı diplomatik missiya əməkdaşlarının saxlanılmasına cavab olaraq yaxın gələcəkdə iki iranlı diplomatın ölkədən çıxarılacağını bildirmişdi.
