ABŞ ilə İran arasında münaqişə riskinin artdığı bir dönəmdə, İranla əlaqəli mənbələr tərəfindən yayılan video qlobal rabitə infrastrukturuna təhdidlər barədə yeni narahatlıqlar yaradır. Səs-küylü videoda Hürmüz boğazından keçən sualtı internet kabelinə qarşı ehtimal olunan təxribat təsvir olunur. Qaynaqlardan əldə edilən məlumata görə, görüntülərdə dəniz dibinə yerləşdirilən partlayıcılara malik sualtı kabellərin partlaması təsvir edilir.
İstinafi ssenariyə görə bu sayaq zərbə sonrasında xüsusən Fars körfəzi ölkələrində internetə çıxış tamamilə kəsilə bilər, maliyyə və bank kartı əməliyyatları iflic olar, texnologiya şirkətlərinin robotlaşdırılmış sistemləri fəaliyyətini dayandırar. Bu cür nəticələrin meydana gəlməsi dünya miqyasında məlumat alış-verişinə ciddi təsir göstərə bilər.
Bildirək ki, İslam İnqilabı Keşikçiləri Korpusu (SEPAH) bundan əvvəl də Hürmüz boğazındakı sualtı fiberoptik xətlərin sıradan çıxarılması ilə bağlı mümkün cavab addımlarını müzakirə etdiyini açıqlamışdı. Əraziyə göndərilən təmir gəmilərinin vurulması ilə bağlı təhdidlər də qeyd olunmuşdu.
Hürmüz boğazı və Fars körfəzi yalnız neft daşımalarının ən vacib arteriyası deyil, həm də Asiya, Avropa və Yaxın Şərqi birləşdirən qlobal internet trafikin əsas mövcudluq ünvanıdır.
