Hindistanın Kəlküttə şəhərində yerləşən hotel kompleksində avqustun 19-da gecə saatlarında güclü yanğın qeydə alınıb.
Yanğın təxminən saat 02:00 radələrində “Hotel Shikhali” binasında başlayıb. Hadisə nəticəsində 9 nəfər həyatını itirib, 6 nəfər isə müxtəlif dərəcəli xəsarətlər alıb.
Məlumata görə, ölənlər arasında Banqladeş vətəndaşları da var; onların Kəlküttəyə əsasən müalicə məqsədilə gəldikləri bildirilir.
Hadisə yerinə cəlb olunan təhlükəsizlik və xilasetmə qüvvələrinin köməyi ilə təxminən 80 nəfər binadan çıxarılaraq təxliyə edilib. Bir çox insan dar dəhlizlərdə yaranan tüstü səbəbindən nərdivanlar vasitəsilə pəncərələrdən və binanın damından xilas edilib.
Yanğının dəqiq səbəbi hələ müəyyən edilməyib. İlkin ehtimallardan biri kimi elektrik qısaqapanması göstərilir.
Hadisə ilə bağlı müvafiq orqanlar tərəfindən araşdırma davam edir.
