Amerikalı üzgüçü Keyt Duqlas eyni yarış günündə iki dəfə 50 metr sərbəst üsul üzrə dünya rekordunu yeniləyib.
TASS-a görə, Duqlas final yarışında məsafəni 23.19 saniyəyə qət edərək ən yaxşı nəticəni təzələdi. Yarış İrvaynda keçirilən Sakit okean regionu çempionatının hüdudlarında təşkil olunub.
Səhər keçirilən təsnifat mərhələsində idmançı 50 metr məsafəni 23.49 saniyəyə üzərək artıq həmin gün yeni rekorda imza atmışdı.
Bundan əvvəl dünya rekordunun sahibəsi amerikalı Qretçen Uolş idi; onun göstəricisi 23.55 saniyə olmuşdu.
Keyt Duqlas 24 yaşındadır. O, ikiqat Olimpiya çempionudur və karyerasında iki gümüş, bir bürünc Oyun mükafatı var. Həmçinin Duqlas yeddi dəfə dünya çempionu, yeddi dəfə gümüş və beş dəfə bürünc mükafatçı olaraq fərqlənib.
